February 2025

LDSP செயற்றிட்ட நிறைவு விழா-(2019-2024)

Posted on February 18, 2025February 18, 2025 by webadmin

ஐரோப்பிய ஒன்றியம் மற்றும் உலகவங்கியின் நிதி உதவியில் செயற்படுத்தப்பட்ட LDSP (Local Government Support Project) செயற்றிட்டத்தின் நிறைவு விழா 27.12.2024 ம் திகதியன்று வடமாகாண பிரதம செயலாளர் அலுவலகத்தின் கேட்போர்கூடத்தில் உள்ளூராட்சி ஆணையாளர் தலைமையில் நடைபெற்றது. இந் நிகழ்வில் LDSP திட்டத்தினால் நடைமுறைப்படுத்தப்பட்ட வேலைகளை' உரிய காலத்தில் பூர்த்திசெய்த உள்ளூராட்சி சபைகளுக்கு சான்றிதழ் வழங்கி கௌரவிக்கும் நிகழ்வில் எமது சபையும் இச்செயற்றிட்டத்தில் சிறப்பாக செயற்பட்டமைக்காக சான்றிதழ் வழங்கி கௌரவிக்கப்பட்டது. இக்கௌரவத்தினை பெறுவதற்கு எமது சபை சார்பாக ஒத்துழைப்புக்களை வழங்கி இரவுபகல் பாராது முழு அர்ப்பணிப்புடன் கடமையாற்றிய எமது சபையின் செயலாளர், தொழில்நுட்ப உத்தியோகத்தர்கள் ,அபிவிருத்தி உத்தியோகத்தர்கள்,முகாமைத்துவ சேவை உத்தியோகத்தர் மற்றும் சனசமூக அபிவிருத்தி உத்தியோகத்தர் ஆகியோருக்கும் எமது சபை சார்பாக நன்றிகளை தெரிவித்து கொள்கின்றோம்.

Save a life நிறுவனமும் பொது மக்கள் பங்கேற்புடனும் மேற்கொண்ட தூய்மைப்படுத்தும் பணி 30.01.2025

Posted on February 18, 2025February 18, 2025 by webadmin

சாவகச்சேரி பிரதேச சபையும், Save a life நிறுவனமும் இணைந்து பொது மக்கள் பங்கேற்புடனும் , எமது சபையின் உத்தியோகத்தர்கள் மற்றும் ஊழியர்களினதும் பங்கு பற்றலுடனும் Clean Sri Lanka திட்டத்தின் கீழ் சரசாலை குருவிக்காடு பகுதி 30.01.2025 ம் திகதியன்று சுத்தம் செய்யப்பட்டது.

பொதுமக்களால் கொட்டப்பட்ட இலத்திரனியல் கழிவுகள், பிளாஸ்ரிக் கழிவுகள், பீங்கான்கள் என பல கழிவுகள் பிரித்தெடுக்கப்பட்டு பிரதேச சபையின் கழிவகற்றல் வாகனத்தின் மூலம் தரம் பிரித்து அகற்றப்பட்டது.

பொது நிர்வாகச் சுற்றறிக்கை 22/2024 இற்கு அமைவாக 2025 – 01 – 01 கடமைகளை ஆரம்பித்தல் – சாவகச்சேரி பிரதேசசபை

Posted on February 18, 2025March 10, 2025 by webadmin

பொது நிர்வாகச் சுற்றறிக்கை 22/2024 இற்கு அமைவாக 2025 - 01 - 01 கடமைகளை ஆரம்பித்தல் - சாவகச்சேரி பிரதேசசபை

Clean Sri Lanka பிரசைகளை சத்தியப் பிரமாணம் / உறுதிமொழி

நாட்டு மக்கள் அனைவரினதும் உள்ளங்கள் புதிய எதிர்பார்ப்புகளுடன் நிரம்பியுள்ள வேளையில், நாம் 2025 ஆம் வருடத்தில் காலடி எடுத்து வைக்கின்றோம்.

நாடு என்ற ரீதியில் நாங்கள் தவறவிட்ட சகவாழ்வு, சமூக, பொருளாதார அபிவிருத்தி, நவீனத்துவம் மற்றும் கலாசார வாழ்வு என்பவற்றை மீண்டும் அடைவதே எமது எதிர்ப்பார்ப்பாகும்.

எமது நாட்டை மீளக் கட்டியெழுப்பும் சவாலுக்கு முகங்கொடுக்க வேண்டியுள்ளது என்பதை நாம் நன்கு அறிவோம்.

"க்ளீன் ஸ்ரீ லங்கா" என்பது வளமான நாட்டையும் அழகான வாழ்க்கையையும் கட்டியெழுப்புவதற்கு அத்தியவசியமான, கூட்டு அர்ப்பணிப்புடன் செயலாற்றும், அத்துடன் பொறுப்புக்கூறும் தொழிற்பாடாகும். இன, மத அல்லது அரசியல் பேதமின்றி இத்தேசிய நிகழ்ச்சித்திட்டத்துடன் இணைந்து செயற்படுவதற்கு உறுதிமொழி அளிக்கின்றோம்.

சகல நடவடிக்கைகளிலும், அனைத்து பிரசைகள் உயர் சமூக அந்தஸ்தை அடைவதற்கு உறுதுணையாக அமைகின்ற, ஒற்றுமை, பொறுப்புக்கூறல், சிக்கனம், வெளிப்படைத்தன்மை மற்றும் சமத்துவம் ஆகிய விடயங்களை முன்னுதாரணமாகக் கடைப்பிடிப்பதற்கும், அத்தர நியமங்களை பாதுகாத்த வண்ணம் பிரச்சினைகளுக்கு தீர்வு காண்பதற்கும் அர்ப்பணிப்புடன் செயற்படுவோம்.

அபிமானம் கொண்ட இலங்கைப் பிரசைகள் என்ற வகையில் அழகானதொரு நாட்டைக் கட்டியெழுப்புவதற்கும், வளமான வாழ்க்கையை அடைவதற்கும், நேர்மையுடனும் ஒரே நோக்கத்துடனும் அர்ப்பணிப்புடன் செயலாற்றுவோம் என்பதாக சத்தியப் பிரமாணம் செய்கின்றோம்./ உறுதிமொழிகின்றோம்.

All reactions:

Kokulan Jeyakody, Piragas Art and 24 others

நாவற்குழி பொது நூலகத்தின் தேசிய வாசிப்பு மாத இறுதி நாள் நிகழ்வும் பரிசளிப்பு விழாவும் 24.12.2024

Posted on February 18, 2025February 18, 2025 by webadmin

சாவகச்சேரி பிரதேச சபையின் நாவற்குழி பொது நூலகத்தின் தேசிய வாசிப்பு மாத இறுதி நாள் நிகழ்வும் பரிசளிப்பு விழாவும் 24.12.2024 ம் திகதியன்று நாவற்குழி கந்தையா கனகம்மா மண்டபத்தில் எமது சபையின் செயலாளர் தலைமையில் இடம்பெற்றது.

பாடசாலை மாணவர்கள், அதிபர்கள், ஆசிரியர்கள் , முன்பள்ளி சிறார்கள், பெற்றோர்கள் மற்றும் நலன் விரும்பிகள், சபையின் உத்தியோகத்தர்கள் என பலரும் கலந்து சிறப்பித்தனர்.

பாடசாலை மாணவர்களின் கலை நிகழ்வுகள் இடம்பெற்றதுடன் பாடசாலை மாணவர்களுக்கு இலவச நூலக அங்கத்துவங்களும் வழங்கி வைக்கப்பட்டன.

தேசிய வாசிப்பு மாத நிகழ்வுகளில் ஈடுபட்டு முதல் மூன்று இடங்களைப் பெற்ற மாணவர்களுக்கும் கலை நிகழ்வுகளில் ஈடுபட்ட மாணவர்களுக்கு பரிசில்கள் வழங்கி கௌரவிக்கப்பட்டனர்.

Best Annual Report இற்கான விருது வழங்கும் நிகழ்வு 02.12.2024

Posted on February 18, 2025February 18, 2025 by webadmin

எமது சபையின் Best Annual Report இற்கான விருது வழங்கும் நிகழ்வு 02.12.2024 ம் திகதியன்று கொழும்பு சர்வதேஸ் மாநாட்டு மண்டபத்தில் இடம்பெற்றது . எமது சபையும் Best Annual Report இற்கான விருதினை பெற்று கொண்டது.

சரசாலை பொது நூலகத்தின் தேசிய வாசிப்பு மாத இறுதி நாள் நிகழ்வும் பரிசளிப்பு விழாவும் 05.11.2024

Posted on February 18, 2025February 18, 2025 by webadmin

சாவகச்சேரி பிரதேச சபையின் சரசாலை பொது நூலகத்தின் தேசிய வாசிப்பு மாத இறுதி நாள் நிகழ்வும் பரிசளிப்பு விழாவும் 05.11.2024 ம் திகதியன்று மட்டுவில் கமலாசினி பாடசாலையின் பிரதான மண்டபத்தில் இடம்பெற்றது. எமது சபையின் செயலாளர் தலைமையில் இடம்பெற்றதுடன் பிரதம விருந்தினராக Timko International Holdings Pvt Ltd நிறுவனத்தின் Chief Executive Officer வல்லிபுரம் தங்கராசா அவர்களும் சிறப்பு விருந்தினர்களாக பச்சிலை பள்ளி பிரதேச சபையின் செயலாளர் திருமதி.தர்சினி தயானந்தன், எமது சபையின் ஓய்வு பெற்ற முன்னாள் செயலாளர் திரு.வேலுப்பிள்ளை சிவராஜாலிங்கம் அவர்களும் கௌரவ விருந்தினர்களாக கோவிலாக்கண்டி மகா லக்சுமி வித்தியாலயத்தின் ஓய்வு நிலை அதிபர் திரு.கந்தையா தேவநேசன், மட்டுவில் கமலாசினி வித்தியாலயத்தின் அதிபர் திரு.கிருஷ்ணசாமி சந்திரகுமார் மற்றும் மட்டுவில் கிழக்கு கிராம அலுவலர் செல்வி நாகராஜா தர்மினி அவர்களும் கலந்து கொண்டனர். பாடசாலை மாணவர்களின் கலை நிகழ்வுகள் இடம்பெற்றதுடன் எமது பொது நூலகத்தின் பத்திரிக்கை வாசகர்கள் மற்றும் ஓய்வு நிலை நூலகர்கள் கௌரவிக்கப்பட்டதுடன் பாடசாலை மாணவர்களுக்கு இலவச நூலக அங்கத்துவங்களும் வழங்கி வைக்கப்பட்டன. தேசிய வாசிப்பு மாத நிகழ்வுகளில் ஈடுபட்டு முதல் மூன்று இடங்களை பெற்ற மாணவர்களுக்கும் கலை நிகழ்வுகளில் ஈடுபட்ட மாணவர்களுக்கு பரிசில்கள் வழங்கி கௌரவிக்கப்பட்டன.

சாவகச்சேரி பிரதேச சபையின் கச்சாய் பொது நூலகத்தின் தேசிய வாசிப்பு மாத இறுதி நாள் நிகழ்வும் பரிசளிப்பு விழாவும் 03.11.2024

Posted on February 18, 2025 by webadmin

சாவகச்சேரி பிரதேச சபையின் கச்சாய் பொது நூலகத்தின் தேசிய வாசிப்பு மாத இறுதி நாள் நிகழ்வும் பரிசளிப்பு விழாவும் 03.11.2024 ம் திகதியன்று கொடிகாமம் திருநாவுக்கரசு ஆரம்ப பாடசாலையில் இடம்பெற்றது. எமது சபையின் செயலாளர் தலைமையில் இடம்பெற்றதுடன் பிரதம விருந்தினராக ஓய்வு பெற்ற வைத்தியர் திருமதி. குகதாசன் சுமதி அவர்களும் சிறப்பு விருந்தினர்களாக கொடிகாமம் திருநாவுக்கரசு மத்திய கல்லூரி அதிபர் திரு.சி .பாலச்சந்திரன், கச்சாய் மகா வித்தியாலயத்தின் அதிபர் திரு.ஐ.தேவராயன் மற்றும் சாவகச்சேரி நகராட்சி மன்ற உத்தியோகத்தர் திருமதி. ஜெயந்தினி மகிந்தன் அவர்களும் கௌரவ விருந்தினராக திரு.ஆர்.எச்.சி.ரணசிங்க அவர்களும் கலந்து கொண்டனர்.