Uncategorized

ஐங்கரன் முன்பள்ளி சிறார்களின் 2025ம் ஆண்டுக்கான இல்ல மெய்வல்லுனர் நிகழ்வு -04.04.2025

Posted on April 16, 2025April 16, 2025 by webadmin

எமது சபையின் கீழ் இயங்கும் ஐங்கரன் முன்பள்ளி சிறார்களின் 2025ம் ஆண்டுக்கான இல்ல மெய்வல்லுனர் நிகழ்வு இன்றைய தினம் 04.04.2025ம் திகதியன்று யா/ அல்லாரை அரசினர் தமிழ் வித்தியாலயத்தில் இடம்பெற்றது..

சாவகச்சேரி பிரதேசசபையும் கொடிகாமம் கொமர்சல் வங்கியும் இணைந்து நடாத்திய மகளிர்தின நிகழ்வு – 09.04.2025

Posted on April 9, 2025April 15, 2025 by webadmin

சாவகச்சேரி பிரதேசசபையும் கொடிகாமம் கொமர்சல் வங்கியும் இணைந்து நடாத்திய 2025ம் ஆண்டிற்கான மகளிர் தினம் இன்றைய தினம் 09.04.2025 ம் திகதியன்று எமது சபையின் செயலாளர் திரு.க.சந்திரகுமார் தலைமையில் இடம்பெற்றது.

இந் நிகழ்வுக்கு பிரதம விருந்தினராக திருமதி.இவ்வோன் லெரிவ் லியன், பிரதிக் கல்விப் பணிப்பாளர் திட்டமிடல்- தென்மராட்சி கல்வி வலயம் அவர்களும், சிறப்பு விருந்தினராக திரு .அருளம்பலம் ஜெயபாலன், பிராந்திய முகாமையாளர் - கொமர்சல் வங்கி வட பிராந்தியம் மற்றும் திருமதி மயில்வாகனசிங்கம் ராஜலட்சுமி , செயற்பாடு மகிழ்வோம் இணைப்பாளரும் முன்பள்ளி மேற்பசர்வையாளரும் - தென்மராட்சி கல்வி வலயம் அவர்களும் கௌரவ விருந்தினர்களாக திரு.தட்சணாமூர்த்தி பிரஜீப், முகாமையாளர்- கொமர்சல் வங்கி கொடிகாமம் அவர்களும் Dr.சத்துருக்கன் ஜெயதர்சினி , Dr.கனேசமணி சங்கீதா, ஆயுர்வேத மருத்துவ் உத்த்கியோகத்தர்கள் சாவகச்சேரி பிரதேசசபை அவர்களும் கலந்து சிறப்பித்தனர்.

இன்றைய தினம் இந்நிகழ்வில் பெண்களை உக்குவிக்கும் சிறந்த பெண் தொழில் முயற்சியாளர்களுக்கும், கச்சாய் உப அலுவலக எல்லைக்குட்பட்ட முன்பள்ளி ஆசிரியர்கள் விறு வழங்கி கௌரவிக்கப்பட்டனர். மற்றும் தேசிய ரீதியில் செயற்பாட்டு மகிழ்வோம் நிகழ்வில் தெரிவுசெய்யப்பட்ட அல்லாரை அரசினர் தமிழ் கலவன் பாடசாலை அதிபர் அவர்களும் கௌரவிக்கப்பட்டனர்.

வள வங்கி திறப்பு விழா 03.04.2025

Posted on April 9, 2025April 9, 2025 by webadmin

எமது அலுவலகத்திற்கு PHINLA செயற்றிட்டத்தின் கீழ் தரம்பிரிக்க்பப்பட்ட கழிவுகளை சேகரிப்பதற்காக வழங்கப்பட்ட வளவங்கியினை ஆரம்பித்து வைப்பதற்கான நிகழ்வு இன்றைய தினம் 03.04.2025 ம் திகதியன்று காலை 9.00 மணிக்கு எமது சபையின் செயலாளர் தலைமையில் இடம்பெற்றது.

இந் நிகழ்விற்கு பிரதம விருந்தினராக திருமதி டென்சியா, பிரதி பிரதம செயலாளர் செயலகம், வடக்கு மாகாண உதவி பிரதம செயலாளர் அவர்களும் சிறப்பு விருந்தினராக திரு.நிமால் பிறேம்திலக்க, தொழில்நுட்ப நிபுணர், PHINLA அவர்ளும் Mr.பிரகாஷ் , திட்ட முகாமையாளர், PHINLA , சாவகச்சேரி நகரசபையின் செயலாளர் மற்றும் பொது சுகாதார பரிசோதகர் கொடிகாமம் அவர்களும் கலந்து கொண்டதுடன் வளவங்கியின் செயற்பாடுகளை உத்தியோகபூர்வமாக ஆரம்பித்தும் வைக்கப்பட்டது.

அத்துடன் PHINLA project Manager இனால் எமது சபையில் கடமையாற்றும் உத்தியோகத்தர்கள் மற்றும் ஊழியர்களுக்கு வள வங்கியினை எதிர்காலத்தில் வினைத்திறன்மிக்கதாக செயற்படுத்துவதற்கான விழிப்புணர்வுகள் , ஆலோசனைகள் மற்றும் அறிவுரைகளும் வழங்கப்பட்டது

LDSP செயற்றிட்ட நிறைவு விழா-(2019-2024)

Posted on February 18, 2025February 18, 2025 by webadmin

ஐரோப்பிய ஒன்றியம் மற்றும் உலகவங்கியின் நிதி உதவியில் செயற்படுத்தப்பட்ட LDSP (Local Government Support Project) செயற்றிட்டத்தின் நிறைவு விழா 27.12.2024 ம் திகதியன்று வடமாகாண பிரதம செயலாளர் அலுவலகத்தின் கேட்போர்கூடத்தில் உள்ளூராட்சி ஆணையாளர் தலைமையில் நடைபெற்றது. இந் நிகழ்வில் LDSP திட்டத்தினால் நடைமுறைப்படுத்தப்பட்ட வேலைகளை' உரிய காலத்தில் பூர்த்திசெய்த உள்ளூராட்சி சபைகளுக்கு சான்றிதழ் வழங்கி கௌரவிக்கும் நிகழ்வில் எமது சபையும் இச்செயற்றிட்டத்தில் சிறப்பாக செயற்பட்டமைக்காக சான்றிதழ் வழங்கி கௌரவிக்கப்பட்டது. இக்கௌரவத்தினை பெறுவதற்கு எமது சபை சார்பாக ஒத்துழைப்புக்களை வழங்கி இரவுபகல் பாராது முழு அர்ப்பணிப்புடன் கடமையாற்றிய எமது சபையின் செயலாளர், தொழில்நுட்ப உத்தியோகத்தர்கள் ,அபிவிருத்தி உத்தியோகத்தர்கள்,முகாமைத்துவ சேவை உத்தியோகத்தர் மற்றும் சனசமூக அபிவிருத்தி உத்தியோகத்தர் ஆகியோருக்கும் எமது சபை சார்பாக நன்றிகளை தெரிவித்து கொள்கின்றோம்.

Save a life நிறுவனமும் பொது மக்கள் பங்கேற்புடனும் மேற்கொண்ட தூய்மைப்படுத்தும் பணி 30.01.2025

Posted on February 18, 2025February 18, 2025 by webadmin

சாவகச்சேரி பிரதேச சபையும், Save a life நிறுவனமும் இணைந்து பொது மக்கள் பங்கேற்புடனும் , எமது சபையின் உத்தியோகத்தர்கள் மற்றும் ஊழியர்களினதும் பங்கு பற்றலுடனும் Clean Sri Lanka திட்டத்தின் கீழ் சரசாலை குருவிக்காடு பகுதி 30.01.2025 ம் திகதியன்று சுத்தம் செய்யப்பட்டது.

பொதுமக்களால் கொட்டப்பட்ட இலத்திரனியல் கழிவுகள், பிளாஸ்ரிக் கழிவுகள், பீங்கான்கள் என பல கழிவுகள் பிரித்தெடுக்கப்பட்டு பிரதேச சபையின் கழிவகற்றல் வாகனத்தின் மூலம் தரம் பிரித்து அகற்றப்பட்டது.

பொது நிர்வாகச் சுற்றறிக்கை 22/2024 இற்கு அமைவாக 2025 – 01 – 01 கடமைகளை ஆரம்பித்தல் – சாவகச்சேரி பிரதேசசபை

Posted on February 18, 2025March 10, 2025 by webadmin

பொது நிர்வாகச் சுற்றறிக்கை 22/2024 இற்கு அமைவாக 2025 - 01 - 01 கடமைகளை ஆரம்பித்தல் - சாவகச்சேரி பிரதேசசபை

Clean Sri Lanka பிரசைகளை சத்தியப் பிரமாணம் / உறுதிமொழி

நாட்டு மக்கள் அனைவரினதும் உள்ளங்கள் புதிய எதிர்பார்ப்புகளுடன் நிரம்பியுள்ள வேளையில், நாம் 2025 ஆம் வருடத்தில் காலடி எடுத்து வைக்கின்றோம்.

நாடு என்ற ரீதியில் நாங்கள் தவறவிட்ட சகவாழ்வு, சமூக, பொருளாதார அபிவிருத்தி, நவீனத்துவம் மற்றும் கலாசார வாழ்வு என்பவற்றை மீண்டும் அடைவதே எமது எதிர்ப்பார்ப்பாகும்.

எமது நாட்டை மீளக் கட்டியெழுப்பும் சவாலுக்கு முகங்கொடுக்க வேண்டியுள்ளது என்பதை நாம் நன்கு அறிவோம்.

"க்ளீன் ஸ்ரீ லங்கா" என்பது வளமான நாட்டையும் அழகான வாழ்க்கையையும் கட்டியெழுப்புவதற்கு அத்தியவசியமான, கூட்டு அர்ப்பணிப்புடன் செயலாற்றும், அத்துடன் பொறுப்புக்கூறும் தொழிற்பாடாகும். இன, மத அல்லது அரசியல் பேதமின்றி இத்தேசிய நிகழ்ச்சித்திட்டத்துடன் இணைந்து செயற்படுவதற்கு உறுதிமொழி அளிக்கின்றோம்.

சகல நடவடிக்கைகளிலும், அனைத்து பிரசைகள் உயர் சமூக அந்தஸ்தை அடைவதற்கு உறுதுணையாக அமைகின்ற, ஒற்றுமை, பொறுப்புக்கூறல், சிக்கனம், வெளிப்படைத்தன்மை மற்றும் சமத்துவம் ஆகிய விடயங்களை முன்னுதாரணமாகக் கடைப்பிடிப்பதற்கும், அத்தர நியமங்களை பாதுகாத்த வண்ணம் பிரச்சினைகளுக்கு தீர்வு காண்பதற்கும் அர்ப்பணிப்புடன் செயற்படுவோம்.

அபிமானம் கொண்ட இலங்கைப் பிரசைகள் என்ற வகையில் அழகானதொரு நாட்டைக் கட்டியெழுப்புவதற்கும், வளமான வாழ்க்கையை அடைவதற்கும், நேர்மையுடனும் ஒரே நோக்கத்துடனும் அர்ப்பணிப்புடன் செயலாற்றுவோம் என்பதாக சத்தியப் பிரமாணம் செய்கின்றோம்./ உறுதிமொழிகின்றோம்.

All reactions:

Kokulan Jeyakody, Piragas Art and 24 others

கௌரவ ஆளுநர் அவர்கள் சாவகச்சேரி பிரதேசசபை பொதுமக்கள் தேவைகளை கண்டறிவதற்கான சந்திப்பு

Posted on February 28, 2024February 29, 2024 by webadmin

உள்ளூராட்சி மன்ற மட்டத்தில் பொதுமக்களின் தேவைகளை கண்டறிவதற்கான பொதுமக்கள் சந்திப்பு சாவகச்சேரி பிரதேசசபையின் கீழ் நேற்றைய தினம் (27.02.2024) பி.ப 4.00 மணியளவில் வடக்கு மாகாண கௌரவ ஆளுநர் திருமதி. பி. எஸ். எம். சாள்ஸ் அவர்கள் தலைமையில் சரசாலை வடக்கில் நடைபெற்றது. குறித்த நிகழ்வில் உள்ளூராட்சி ஆணையாளர் திரு. செ.பிரணவநாதன், பிராந்திய உள்ளூராட்சி உதவி ஆணையாளர் திரு. பொ. ஸ்ரீவர்ணன், சபை செயலாளர் திரு.க.சந்திரகுமார், தென்மராட்சி பிரதேச செயலக பிரதிநிதித்துவப்படுத்தும் உத்தியோகத்தர்களான கிராம அலுவலர்கள், சனசமூக உத்தியோகத்தர்கள், கிராம மட்ட அபிவிருத்தி உத்தியோகத்தர்கள், பொது சுகாதார பரிசோதகர்கள், சமுர்த்தி உத்தியோகத்தர்கள், வலயக்கல்வி அலுவலக முன்பள்ளி இணைப்பாளரான திருமதி. இராஜலட்சுமி, பிரதேசசபையின் முன்னாள் உறுப்பினர்கள், பெண்கள் அமைப்புக்களின் பிரதிநிதிகள் மற்றும் பொது மக்கள் என பலரும் கலந்து கொண்டிருந்தனர்.

பொது மக்கள் தங்களின் குறைபாடுகள் மற்றும் அபிவிருத்தி செயற்பாடுகள் பற்றி கௌரவ ஆளுநர் அவர்களிடம் கோரிக்கைகள் கூறியிருந்தார்கள். பொது மக்களின் கோரிக்கைக்கள் தொடர்பாக உரிய நிறுவனங்களுக்கு அறிவித்து செயற்படுத்துவதாக ஆளுநர் அவர்கள் பொது மக்களுக்கு தெரிவித்திருந்தார். குறித்த சந்திப்பானது பி.ப 6.15 மணியளவில் இனிதே நிறைவு பெற்றது. இந் நிகழ்வில் கலந்து கொண்ட அனைவருக்கும் சாவகச்சேரி பிரதேசசபை சார்பில் நன்றியை தெரிவித்து கொள்கின்றோம்.

மக்கள் பங்கேற்புடனான தூய்மைப்படுத்தம் பணி

Posted on February 15, 2024February 15, 2024 by webadmin

மக்கள் பங்கேற்புடனான தூய்மைப்படுத்தம் பணி 06.02.2024ம் திகதியன்று கச்சாய் துறைமுகத்தில் இருந்து எறியால்பிட்டி மயானம் வரையான பகுதி வரை மேற்கொள்ளப்பட்டது.

சாவகச்சேரி பிரதேசசபையுடன் இணைந்து கச்சாய் கலைமகள் சனசமூக நிலையமும் கச்சாய் கடற்தொழிலாளர் சங்கமும் இணைந்து முதற்கட்டமாக கச்சாய் துறைமுகத்தில் இருந்து எறியால்பிட்டி மயானம் வரையான பகுதியில் பொதுமக்களால் கொட்டப்பட்ட பிளாஸ்ரிக் போத்தல்கள், பீங்கான்கள் என்பன தரம் பிரிக்கப்பட்டு பிரதேசசபையின் கழிவகற்றல் வாகனத்தின் மூலம் கழிவுகள் அகற்றப்பட்டது.